DEVIS DE REPARATION DU CHOEUR DE L'EGLISE EN 1536 ( ADN 8H917 )

Accueil St-Python Documents Page courante

13.05.1536 (?)                                         Document de 3 pages

Devise de une oeupvre de machonnerie que veult se faire révérend père en Dieu monseigneur de Saint-Andrieu assavoir ung coeur au village de Saint-Piton de la largeur et longheur et haulteur cy après décrits
Premier

Convient desmolire toutte la viele machonnerie quy est à présent jusque au retz des terres et quant toutes ces descombres seront descombrés et mis hors de la voye fault ériger ung coeur sur les viele fondation de 25 pieds de long ou environ par dedans oeupvre et aura de largeur 16 pieds ou environ par dedans oeupvre et de haulteur depuis le retz des terres jusques au plat (?) du comble 15 pieds ou environ.

Item dessus ceste viele fondation convient ériger deux pans de murs de 18 pauche despesseur et le salin ( solin ) du soubassement et ung pignon de la dite espesseur et les lever de la haulteur du dessus nommé que polra pour faire servir le vieux comble quy est présent sur la viele machonnerie

Item dessus nommés vieles fondation convient ériger trois tas de grez et dessus nommés trois tas de gres assire ung soubassement en blanche pierre et dessus nomé soubassement fault assire des quariaux de blanche pierre jusque à la haulteur que peult assire une litte quy caudira (?) tout alentour du coeur par dehors tout seullement et portera la dite litte bonne molure comme à telle oeupvre appartient

Item dessus cette litte convient ériger des fenestres assavoir à chacun lon pan une fenestre qui fera embrase dedans et dehors sans molure et porteront chacune fenestre ung manttieau à deux cren (?) à scavoir ung dedans et ung dehors que pour faire deux cornet (?) à chacune fenestre un lien de complaige

Item nest à oublier un pignon du dit coeur de ériger une fenestre embrasse comme les aultres dessus nommés mais cest fenestre sera plus largue et portera une estau...... et se lèvera cette fenestre plus haulte que les aultres pour donner plus grant veu au coeur

Item convient ériger touttes ces fenestres de longheure compétente comme à telle oeupvre appartient et les lever aussy hault que faira se polra. Et quant tout celle oeupvre sera levée à haulteur compétente fault assire ung établement (?) au deux long pan que polra assire les plan (?) du comble que feront à la haulteur de 15 pieds ou environ et nest à oublier en levant toute cele oeupvre de machonnerie de machonner des parpain quy feront doublieau au mur pour donner bonne ...son à la machonnerie. Item nest à oublier en levant le mur du pignon du dit coeur de faire une perhine pour donner à lamer (?) et le fault assire au lieux le plus commodieux et fera celle dite perhine revestire une bonne molure avec une chambranle portant bonne molure comme à telle oeupvre appartient

Item quant toutte cette oeupvre sera levé à la haulteur dessus nommé érigier dessus l'établement aux deux costé du pignon deus pilloriaux emdossé de ung coeur (?) et dessus ces pilloriaux à chacun costé se assira ung alleron (?) pour commencher à amortire le pignon à caps (?) franchoise à la ...deux du comble et dessus les derniers caps (?) fault assire une .ense pour amortir les dictes caps (?) et dessus celle .enses se assira une croy pour amortir le .ense et nest à oublier dessus chacun alleron ung fleuron pour amortir ledit alleron comme à telle oeupvre appartient.

Item le maistre quy de tel oeupvre marchandera sera tenu de faire et faira toutte celle oeupvre de dessus nommé a bon ploncg et à bon nyveau qu'il polra passer par dict .....iers et gens à che congnoissants

Nota : Ce devis n'est pas daté mais est suivi des annotations suivantes ( écriture différente et difficile ) :
Che jourdhuy 13ème de May XV cent XXXVI ........................ Léon MACHON demeurant à Cambray a marchandé avec monseigneur de Saint-Andrieu de l'oeuvre (?) de dessus ........ les a............ drech..es et du tout pour faire la dite oeuvre (?) en date ....... la fin du mois d'Aoust ....... .......... ........... et rendant prest à assire le viel comble lui paié pour cet oeuvre (?) cy dessus ........... et Saint-Andrieu a ...................... de paié aussi encor avecq ung ajout au .............. pour en.... pavé (?) et cauche (?).

Lesquelles promesses, marchés et conditions ont estez faites en la présence de moy Nicolas THIBAULT notaire apostolique et impérial et en la présence de Guen...... de PANGIS (?) et dame (?) FELY (?) les jours et an comme dessus
                Il est ainsy ( signé : ) THIBAULT